نەسڕ لە وەحدەی میوانی بردەوە

ئاڤا سپۆرت
لە گەڕی پێنجەمی خولی ڕۆشنی سعوودی، یانەی نەسڕ لە یاریگای خۆیدا میوانداری  وەحدەی کرد و بردنەوەی تۆمارکرد.

وێنە گەورەکە:  نەسڕ بە ڕابەرایەتی ڕۆناڵدۆ هەر لە سەرەتاوە کۆنتڕۆڵی یارییەکەی کرد، سەرەنجام چوار خولەک پێش کۆتایی گێمی یەکەم، گابریێل ئەنخێلۆی بەڕازیلی گۆڵی یەکەمی نەسڕی تۆمار کرد.

 لە لایەکی دیکەوە: گێمی دووەم نەسڕ بەردەوامبوو لە هێرشەکانی، لە خولەکی 56 ڕۆناڵدۆ بە لێدانی سزا گۆڵی دووەم و دڵنیایی بۆ نەسڕ تۆمارکرد، بەم ئەنجامەش یارییەکە کۆتایی هات.

باکگراوند: نەسڕ لەم وەرزە تا ئێستا تووشی شکست نەبووە، سێ بردنەوە و دوو یەکسانبوونی هەیە، تیپەکەی یوسف ئەمینی کوردانیش، ئەم وەرزە تەنیا یەک بردنەوەی هەیە، سێ یاریی شکستی هێناوە و یارییەکیش یەکسان بووە.