مان یونایتد لە یۆرۆلیگ نەیبردەوە

ئاڤا سپۆرت

لە گەڕی یەکەمی یۆرۆلیگ و لە یاریگای ئۆڵد ترافۆرد، مانچستەر یونایتد میوانداری توێنتی هۆڵەندی کرد.

چیرۆکە سەرەکییەکە:  ئەم یارییە بۆ هەریەکە لە تین هاگ و ستیڤن مەکلارێنی یاریدەدەری یارییەکی تایبەت بوو، چونکە پێشتر هەردووکیان لە یانەی توێنتی کاریان کردووە، بەڵام ئەوکات مەکلارێن ڕاهێنەر و تینگ هاگ یاریدەدەری بوو.

زانیاریی زیاتر: لە گێمێکی تاڕادەیەک مامناوەند مان یونایتد لە ڕێگای کریستیان ئێریکسنەوە لە خولەکی 35 گۆڵی پێشکەوتنی تۆمارکرد، گێمی یەکەمیش بەم ئەنجامە کۆتایی هات.

باکگراوند:  لە گێمی دووەم مانچستەر یونایتد باشتر بینرا، بەڵام بەپێچەوانەوە توێنتی لە ڕێگەیی سام لامەرزەوە لە خولەکی 68 بە گۆڵێک یارییەکەی هێنایەوە خاڵی سەرەتا، یارییەکەش هەر بەم ئەنجامە مایەوە و هەردوولا بە خاڵێک ڕازیبوون.