ڕیکۆردێکی خراپ بۆ هاڤێرتز

ئاڤا سپۆرت 

کای هاڤێرتز لە یاری یانەکەی بەرامبەر مانچستەر سیتی لە گەڕی پێنجەمی پریمەرلیگ ڕیکۆردێکی خراپی تۆمارکرد. 
 
چیرۆکە سەرەکییەکە: ئارسناڵ و مانچستەر سیتی لووتکەی پریمەرلیگیان ئەنجامدا، لە یارییەکەدا مانچستەر سیتی باڵادەستی تەواوی بەسەر یارییەکەدا هەبوو، لە سەرەتای گێمی دووەمیشەوە ئارسناڵ بە دە یاریزانەوە یاری دەکرد، بۆیە تەنیا دەیانویست بەرگری بکەن و پارێزگاری لە ئەنجامەکە بکەن. 
 
ئەوەی پێویستە بیزانیت: کای هاڤێرتز کە هێرشبەری گەنەرز بوو، لە تەواوی یارییەکەدا تەنیا نۆ پاسی دابوو بە هاوڕێکانی، لەو ژمارەیە هیچ پاسێکی دروستی نەبوو. 
 
زانیاریی زیاتر: کای یاریزانی سەرەکی ئارتێتای ڕاهێنەرە، ئەم وەرزە شەش یاری بۆ گەنەرز ئەنجام داوە، تێیدا دوو گۆڵی تۆمارکردووە و گۆڵێکیشی دروست کردووە.