دۆرتمۆند ڕووبەڕووی کلەب برووج دەبێتەوە

ئاڤا سپۆرت

لە گەڕی یەکەمی پاڵەوانێتی چامپیۆنزلیگی ئەوروپا یانەی بڕۆسیا دۆرتمۆندی ئەڵمانی ڕووبەڕووی کلەب برووجی بەلجیکی دەبێتەوە.

وێنە گەورەکە: دۆرتمۆند دەیەوێت هەمان سیناریۆی وەرزی ڕابردوو دووبارە بکاتەوە، کاتێک دوور لە چاوەڕانییەکان گەیشتە یاریی کۆتایی چامپیۆنزلیگ و پلەی دووەمی بەدەستهێنا.

زانیاریی زیاتر: یانە بەلجیکییەکە بە ڕاهێنەرایەتی نیکی هاین بە پلانی (4-5-1) یاریدەکات، کە زیاتر بیر لە لایەنی بەرگری دەکاتەوە، چونکە دەزانێت تیپی میوان خاوەن یاریزانی بەتوانان و ئەنجامی باشیان لەم وەرزودا هەیە.

لە لایەکی دیکەوە: هەرچی یانەی زەردەواڵەکانن، نوری شاهین ڕاهێنەرایەتییان دەکات، بە پلانی(4-2-3-1) یاریدەکەن، کە بەتەواوی پلانی یاریەکە لە بەرژەوندی لایەنی هێرشبەری تیپەکەیە.

باکگراوند: لە پێنج یاریی ڕابردووی نێوان ئەم دوو یانەیە دۆرتمۆندی ئەڵمانی چوار یاریی بردووەتەوە، لەبەرامبەردا تەنیا یەک یاریی یەکسانبوونە و یانە بەلجیکییەکە هیچ بردنەوەیەکی نییە.