زاخۆ گرێبەستی یاریزانێکی هەڵدەوەشێنێتەوە

ئاڤا سپۆرت

یانەی زاخۆ گرێبەستی یاریزانی تیپەکەی هومام تاریق هەڵدەوەشێنێتەوە، ئەو یاریزانە لە یانەکە دووردەخاتەوە.

لێدوانی فەرمی: تەها حەکیم سەرپەرشتیاریی تیپی تۆپی پێی یانەی زاخۆ بە ئاڤا سپۆرتی ڕاگەیاند، کە لەسەر خواستی ڕاهێنەری یانەکەمان تەڵال بلوشی گرێبەستی یاریزان هومام تاریقی ناوەڕستکاریی تیپەکە ‌هەڵدەوەشێنینەوە.

زانیاریی زیاتر: هومام تاریق لەسەرەتای مانگی ئابی ئەمساڵ گرێبەستی لەگەڵ زاخۆ واژۆکرد، بەڵام تا ئێستا پەیوەندی بە ڕاهێنانەکانی ئەو یانەوە نەکردووە، ئەمەش وایکرد گرێبەستەکەی هەڵبوەشێنرێتەوە.

باکگراوند: یانەی زاخۆ وەرزی ڕابردوو لە خولی ئەستێرەکانی عێراق ڕیزبەندی پێنجەمی بەدستهێنا، بەڵام لە یاریی پلەی ئۆفی سەرکەوتن بۆ پاڵەوانێتییەکانی دەرەوە لەسەر دەستی یانەی نەجەف دوورخرایەوە.