ڕۆناڵدۆ عێراقییەکان شۆکک دەکات

ئاڤا سپۆرت

کریستیانۆ ڕۆنالدۆ، بۆ یارییەکەی بەرامبەر شورتە لە پاڵەوانێتی چامپینزلیگ ئامادەنابێت، ئەمەش نیگەرانی هاندەرانی ئەو یاریزانەی لە عێراق لێکەوتەوە.

ئەوەی لەباریەوە دەگوترێت: پێگەی فەرمی یانەی نەسڕ بڵاویکردووەتەوە، کە کریستیانۆ ڕۆنالدۆ بۆ یارییەکەی بەرامبەر شورتە سەردانی شاری بەغدا ناکات، بەهۆی ئەوەی نەخۆش کەوتووە.

زانیاریی زیاتر: هاندرانی ڕۆناڵدۆ بە نرخێکی زۆر بلیتی یارییەکەیان کڕی بەمەبەستی ئەوەی کریستیانۆی ئەستێرە لە یاریگای مەدینە ئامادەبێت، بەڵام خەونەکانیان نەهاتە دی، چونکە ئەو یاریزانە بەهۆی نەخۆشییەوە سەردانی بەغدا ناکات.

باکگراوند: سبەی دووشەممە، کاتژمێر حەوتی ئێوارە، لە گەڕی یەکەمی پاڵەوانێتی چامپیۆنزلیگی ئاسیا یانەی شورتە لە یاریگای مەدینە میوانداری یانەی نەسر دەکات.