هەولێر کێشەی لوئەی سەڵاحی چارەسەرکرد

ئاڤا سپۆرت

یانەی هەولێر کێشە سەرەکییەکەی لەگەڵ لوئەی سەڵاحی یاریزانی پێشووی یانەکە چارەسەرکرد و بڕە پارەکەی کە داوایی دەکرد وەریگرتەوە، کە زیاتر لە 200 ملیۆن دینارە.

چیرۆکە سەرەکییەکە: لوئەی سەڵاح بەهۆی سکاڵای لە دژی یانەی هەولێر تۆمارکردووە، بەهۆی ئەوەی لە ساڵی 2014-2015، پارەی تەواوی گرێبەستەکەی لە یانەکە وەرنەگرتووە، سکاڵای لەلای فیدراسیۆنی تۆپی پێی عێراقی تۆمارکردوو و داوای ئەو بڕە پارەیەی کردەوە.

لێدوانی فەرمی: جێماو کاڕەش بە ئاڤا سپۆرت ڕاگەیاند، کە بۆ کۆتاییهێنان بەم کێشەیە بڕی 209 دووسەد و نۆ ملیۆن دینارمان بەو یاریزانە داوە، بەمەش ئەو کێشەیە لەنێوان ئەو یاریزانە و یانەی هەولێر کۆتاییهات و لە ئێستادا یانەی هەولێر قەرزاری هیچ یاریزانێک نییە.

باکگراوند: یانەی هەولێر بەهۆی ئەو سکاڵاییەوە گرفتی لە لایەن بەشی ڕێگەپێدانی سەر بە فیدراسیۆنی تۆپی پێی عێراقی بۆ دروست ببوو، بەڵام ئەو کێشەیەشی بۆ چارەسەرکرا.