سوارێز ماڵئاوایی لە هەڵبژاردەکەی کرد

ئاڤا سپۆرت

لویس سوارێزی ئۆڕۆگوایی، دوایین یاری خۆی بەدرێسی هەڵبژاردەی هەڵبژاردەکەی ئەنجامدا و ئیدی ئەو یاریزانە بە درێسی هەڵبژاردەی ئۆڕۆگوای نابینینەوە.

چیرۆکە سەرەکییەکە: لە یارییەکانی پاڵاوتنی کیشوەری ئەمریکای باشور، هەڵبژاردەی پاراگوای و ئۆڕۆگوای ڕووبەرووبوونەوە، یارییەکە بێ گۆڵ کۆتاییهات و لویس سوارێزیش دوایین یاریی بە درێسی ئەو هەڵبژاردەیە ئەنجامدا و وازهێنانی لە یاریی نێودەوڵەتی ڕاگەیاند.

لە لایەکی دیکەوە: بە درێژایی یارییەکە ئۆڕۆگوای باڵادەست بوو، بە تایبەت ئەو لێدانەی سوارێز لە ستوونی دا، کە نزیک بوو گۆڵی یەکەم بۆ تیپەکە تۆماربکات.

باکگراوند: سوارێزی تەمەن 37 ساڵان لەگەڵ هەڵبژاردەکەی توانی بەشداری 143 یاریی بکات و 69 گۆڵ بۆ هەڵبژاردەکەی تۆماربکات.