یاریزانانی ئارسناڵ خاوەن زۆرترین کارتی سوورن

ئاڤا سپۆرت 

دێکلان ڕایس یاریزانی ئارسناڵ، لە گەڕی چوارەمی پرێمەرلیگ بەرامبەر بڕایتن و لە سەرەتای گێمی دووەمدا کارتێکی سووری گوماناوی بەڕوودا بەرز کرایەوە. 
 
 
چیرۆکە سەرەکییەکە: ئارسناڵ لەو کاتەوەی میکێل ئارتێتای ڕاهێنەریان دەست بەکاربووە، زیاتر لە هەر یانەیەکی تری پریمەرلیگ کارتی سووری بەڕوودا بەرزکراوەتەوە، کە 17 کارتی سوورە، ئەمەش وای لە هاندەرانی گەنەرز کردووە گومان لە ناوبژیوانانی خولەکە بکەن و بە دژایەتی ئارسناڵ تۆمەتباریان دەکەن. 
 
 
زانیاریی زیاتر: ئارسناڵ لە وەرزی 2019-2020ـەوە 17 کارتی سووری وەرگرتووە، زیاتر لە هەر یانەیەکی تری پرێمەرلیگ، دوای ئەوانیش وڵڤەرهامپتن و بڕایتن دێن بە 13 کارتی سوور.