ڕۆدریگۆ بۆ فرۆشتن نییە

ئاڤا سپۆرت

ڕۆدریگۆی یاریزانی یانەی ریاڵ مەدریدی ئیسپانی لە لایەن یانەکانی ئەوروپاوە گرنگی زۆری پێدەدرێت، بە تایبەت یانەی مان سیتی ئارەزووی گواستنەوەی ئەم یاریزنە دەکات.

 ئەوەی لەبارەیەوە دەگوترێت: رۆژنامەنووسی ئیتاڵی فابریزیۆ ڕۆمانۆی ئیتاڵی بڵاویکردووەتەوە، کە فرۆشتنی ڕۆدریگۆ لەنێو کارگێری یانەی ریاڵ مەدرید بەهیچ شێوەیک قسەی لەسەر نەکراوە و یانەکە ئامادە نییە گفتوگۆی فرۆشتنی ئەو یاریزانە بکات.

زانیاریی زیاتر: ڕۆدریگۆ هێرشبەری مێرێنگێ پێشووتر ڕەخنەی لە میدیاکان گرتووە، بەوەی گرنگی بەو نادەن و تەنیا باسی یاریزانەکانی دیکەی تیپەکەی دەکەن، ئەمەش والێکدرایەوە کە دەیەوێت ڕیزەکانی ئەو یانەیە جێبێڵێت.

باکگراوند: ڕۆدریگۆ لە 2019 پەیوەندی بە یانەی ڕیاڵ مەدریدەوە کردووە، تا ئێستا دوو جار بووەتە براوەی چامپیۆنزلیگ و لالیگای ئیسپانی، کاریگەری زۆری لەسەر ئەنجامەکانی مێرێنگێ هەبووە.