ئانچێلۆتی یاریزانەکانی لە مەترسییەک ئاگادار دەکاتەوە

ئاڤا سپۆرت

کارلۆ ئانچێلۆتی ڕاهێنەری ئیتاڵی یانەی ریاڵ مەدریدی ئیسپانیا، هۆشداری دەداتە یاریزانەکانی و دەڵێت چامپیۆنزلیگ شوێنی هەڵە نیە و قەرەبووکردنەوەی قوورسە و باجێکی گەورەی دەدەیت.

 

چیرۆکە سەرەکییەکە: دوای گەڕانەوەی بەشێکی زۆری یاریزانەکانی یانەی ریاڵ مەدریدی ئیسپانیا و دەستکردن بە ئامادەکارییەکان بۆ وەرزی نوێ، چەند ڕۆژێکە بە ئامادەبوونی بەشێکی زۆر لە یاریزانەکانی ئەو یانەیە، ڕاهێنان و ئامادەکاریی بۆ وەرزی نوێ دەست پێکراوە.

 

ئەوەی لەبارەیەوە دەگوترێت: ڕۆژنامەی ئاسەلێتیکی بەریتانیبڵاویکردووەتەوە، کە کارلۆ ئانچلۆتی ڕاهێنەری ئیتاڵی یانەکە، هۆشداریی داوەتە یاریزانەکانی لە پێناو بەدەستهێنانی نازناوی چامپیۆنزلیگ، نابێت هەڵە بکەن چونکە قەرەبووکردنەوەی هەڵەکان زۆر ئەستەمە و باجێکی گەورەشی لەسەرە.

 

زانیاریی زیاتر: کارلۆ  یاریزانەکانی ئاگادار کردووەتەوە، هەڵە کردن لەلالیگا لەوانەیە قەرەبوو بکرێتەوە، چونکە ژمارەیەک یاری زۆر ئەنجام دەدرێت، بەڵام لە چامپیۆنزلیگ بە پێچەوانەوە، بۆیە دەبێت ئامادەکاری باش بۆ ئەم پاڵەوانێتیە بکەن.