تیاگۆ ئالکانتارا ماڵئاوایی لە تۆپی پێ کرد

ئاڤا سپۆرت

تیاگۆ ئالکانتارا یاریزانی پێشووی هەڵبژاردەی ئیسپانیا، بەشێوەیەکی چاوەڕواننەکراو بڕیاریداوە، بە یەکجاری واز لە یاریکردن بهێنێت.

 

ئەوەی لەبارەیەوە دەگوترێت: فابریزیۆ ڕۆمانۆ بڵاویکردووەتەوە، تیاگۆ ئالکانتارا ناوەڕاستکاری پێشووی هەڵبژاردەی ئیسپانیا و یانەکانی بەرشەلۆنە و بایرن میونشن و لیڤەرپوول، بڕیاریداوە واز لە یاریکردن بهێنێت و یاریی بۆ هیچ یانەیەکی دیکە نەکاتەوە.

 

پێدراوە ڕاستەکان: ئالکانتارا لە ئەکادیمیای لاماسیای تایبەت بە یانەی بەرشەلۆنە دەستی پێکرد و لە ساڵی 2011 پەیوەندی بە تیپی یەکەمی بلاوگراناوە کرد.

 

باکگراوند: یاریزانە ئیسپانیەکە لە کاروانی وەرزشی خۆی 46 یاریی بۆ هەڵبژاردەی وڵاتەکەی کردووە و خاوەنی 2 گۆڵ بووە، هەروەها لەگەڵ یانەکانیش بەشداری 487 یاری کرد و توانی 48 گۆڵ و 63 ئاسیست تۆمار بکات و بە گشتی 27 ناسناوی جۆراوجۆری بەدەستهێنا.