دهۆك لە تەڵەبەی بردەوە

ئاڤا سپۆرت

یانەی دهۆك، لە خولی ئەستێرەكانی عێراق لە دەرەوەی یاریگەی خۆی لە بەغدا شكستی بە تەڵەبە هێنا و یارییەكەی لێبردەوە.

چیرۆكە سەرەكییەكە:  لە گەڕی 33ـیەمی خولی ئەستێرەكانی عێراق، یانەی دهۆك لە دەرەوەی یاریگەی خۆی لە بەغدا بووە میوانی یانەی تەڵەبە، یانەی دهۆك یارییەكەی بە ئەنجامی (2-0)، لە تەڵەبە بردەوە، گۆڵەكانی دهۆك لە رێگەی یاریزانان هیران ئەحمەد و یانیك زاكیری تۆمار كران.

زانیاریی زیاتر: دهۆك دوای ئەم یارییە دەگەڕێتەوە هەرێمی كوردستان و خۆی بۆ یاریی كلاسیكۆی كوردستان بەرامبەر هەولێر ئامادە دەكات كە بڕیارە یارییەكە یەكشەممەی داهاتوو بەڕێوە بچێت.

باكگراوند: دهۆك سێزدەیەمین سەركەوتنی لەم وەرزە تۆمار كرد و بە كۆكردنەوەی 52 خاڵ لە ریزبەندی شەشەمی خولی ئەستێرەكانی عێراق مایەوە.