مێسی نهێنییەكی كلاسیكۆ دەدركێنێت

ئاڤا سپۆرت

لیۆنێل مێسی ئەستێرەی هەڵبژاردەی ئەرجەنتین لە دوایین دیمانەیدا ناوی ئەو یاریزانە ئاشكرا دەكات كە زۆرترین جار لەنێ، یاریگادا شەڕی لەگەڵدا كردووە.

ئەوەی لەباریەوە دەگوترێت: لیۆنێل مێسی لە دواین دیمانەیدا ئاماژەی بۆ ئەوەكرد كە زۆرترین جار لە كاتی كلاسیكۆ ڕووبەڕووی سێرجیۆ ڕامۆس بووەتەوە و لەگەڵیدا تووشی كێشە و شەڕبووە.

زانیاریی زیاتر: لە هەموو كلاسیكۆیەك لەگەڵ ڕامۆس گرژی لەنێوانیان درووست دەبوو، بەڵام دواتر بوونە هاوڕێی یەكتر و لە پاریس سان جێرمان بەیەكەوە یارییان دەكرد.

باكگراوند: مێسی 47 یاریی بەرامبەر ریاڵ مەدرید كردووە، لە 20 یارییدا سەركەوتنی بەدەستهێناوە، 16 یاریی دۆڕاندووە، لە 11 یارییشدا یەكسانبوونە.