كارڤاخاڵ لە ریاڵ مەدرید دەمێنێتەوە

ئاڤا سپۆرت

یانەی ریاڵ مەدریدی ئیسپانی بۆ درێژكردنەوەی گرێبەستی بەرگریكاری باڵی ڕاستی تیپەكەی دانیال كارڤاخاڵ دەستی بە گفتوگۆ لەگەڵ بریكاری یاریزانەكە كردووە.

ئەوەی لەبارەیەوە دەگوترێت: ڕۆژنامەنووسی ئیتاڵی فابریزیۆ ڕۆمانۆ بڵاویكردووەتەوە، كە كارگێڕی یانەی مێرێنگێ لە نوێكردنەوەی گرێبەستی كارڤاخاڵ نزیك بووەتەوە و لەسەر زۆربەی خاڵەكانی نێوانیان گەیشتوونەتە ڕێككەوتن.

زانیاریی زیاتر: ریاڵ مەدرید بەو ئاستەی كارڤاخاڵ لەگەڵ یانەكە و هەڵبژاردەی ئیسپانیا پێشكەشی دەكات دڵخۆشە، بەو هۆیەشەوە بڕیاریداوە بۆماوەیەكی درێژتر یاریزانەكە لە ریاڵ بمێنێتەوە.

باكگراوند: كارڤاخاڵ لەگەڵ ریاڵ مەدرید لەم وەرزەدا لە 41 یاریی بەشداری كردووە، 6 گۆڵی تۆماركردووە، لەنێویاندا ئەو گۆڵەی یاریی كۆتایی چامپیۆنزلیگ بوو بەرامبەر دۆرتمۆند.