"بێلینگهام تۆپی زێڕین دەباتەوە"

ئاڤا سپۆرت

جۆد بێلینگهامی ئینگلیزی بەهۆی ئەو ئاستە بەرزەی لەم وەرزەی لەگەڵ یانەی ریاڵ مەدرید بووەتە جێگەی سەرەنجی هەوادارانی تۆپی پێ و ئێستا بە زیدانی ئینگلیزی ناوی دەبەن.

ئەوەی لە بارەیەوە دەگوترێت: ستۆیكۆڤیچی ڕاهێنەری هەڵبژاردەی سڕبیا لەبارەی بێلینگهامەوە گوتی، ئەو یاریزانێكی باشە، لە داهاتوو تۆپی زێڕین دەباتەوە، ئاستێكی باش پێشكەش دەكات، نابێت بەهیچ شێوەیەك بۆشایی پێبدەین و دەرەفتی بۆ برەخسێت.

باكگراوند: یۆرۆی 2024 لە 14 حوزەیران دەستپێدەكات و 14ـی تەمووز كۆتایی دێت، هەڵبژاردەی سڕبیا ڕووبەڕووی ئینگڵتەڕا دەبێتەوە.