زاخۆ جەوییەی لە بردنەوەی نازناوەكە دوورخستەوە

ئاڤا سپۆرت

یانەی زاخۆ لە یارییەكی دواخراوی گەڕی 24 خولی ئەستێرەكانی عێراق توانی لە یانەی قوەجەوییە بباتەوە و جەوییەش لە بردنەوەی نازناوەكە دووربخاتەوە.

چیرۆكە سەرەكییەكە: لە نیوەی یەكەمی یارییەكەدا یانەی زاخۆ هەوڵی گۆڵ تۆماركردنیان دەدا، بە تایبەت لە تۆپە جێگیرەكان، تا لە خولەكی 33 ئەمجەد عەتوان گۆڵی یەكەمی زاخۆی تۆماركرد.

لە لایەكی دیكەوە: لە نیوەی دووەم یانەی جەوییە هەوڵی ڕاستكردنەوەی ئەنجامەكەی دەدا، زاخۆییەكانیش بەهەموو جۆرێك بەرگرییان دەكرد، ئەیوب ئۆدیشۆی ڕاهێنەری جەوییە سەرجەم گۆڕانكارییەكانی لەبەرژەوەندی هێرشبەری ئەنجامدا، بەڵام گۆڵپارێز و بەرگریكارانی زاخۆ بەرپەرچی سەرجەم هێرشەكانی تیپی میوانیان دایەوە، زاخۆ بە گۆڵێكی بێوەڵام یارییەكەی بردەوە.

باكگراوند: یانەی زاخۆ بەم بردنەوەیە كۆی خاڵەكانی گەیاندە 58 خاڵ و خۆی گەیاندە ڕیزبەندی چوارەم، یانەی جەوییەش بە 66 خاڵ لە خانەی دووەم دێت و هەنگاوێك لە بردنەوەی نازناوەكە دووركەوتەوە.