هەولێر دوو خاڵی گرنگی لەدەستدا

ئاڤا سپۆرت

یانەی هەولێر لە یارییەكەی دواخراوی گەڕی 24 یارییەكانی خولی ئەستێرەكانی عێراق، لە یاریگەی خۆی میوانداریی یانەی تەڵەبەی كرد، 2 خاڵی گرنگیشی لەدەستدا.

چیرۆكە سەرەكییەكە: لە نیوەی یەكەمی یارییەكە هەردوو تیپ ئاستیان لە یەكەوە نزیك بوو، مەترسی زۆریان بۆسەر گۆڵی یەكتر نەبوو، بەڵام هەولێر بەڕێژەیەكی كەم كۆنتڕۆڵی تۆپی كردبوو.

لە لایەكی دیكەوە: لە نیوەی دووەمی یارییەكە یاریزانانی هەولێر توانایی جەستەییان دابەزی و ئاستیان دابەزی، تەڵەبەش بە هێرشی خێرا چەند جارێك لە تۆڕی هەولێر نزیك بوونەوە، یاریی بێگۆڵ كۆتاییهات.

باكگراوند: یانەی هەولێر بەم یەكسانبوونە كۆی خاڵەكانی گەیاندە 33 خاڵ و لە خانەی چواردەیەم دێت، تەڵەبەش بە كۆكردنەوەی 46 خاڵ لە خانەی هەشتەم دێت.