یاریزانێكی بەرشەلۆنە ترسی خۆی لەهاتنی ئمباپێ ڕاگەیاند

ئاڤا سپۆرت

كۆندێی فەرەنسی و بەرگریكاری یانەی بەرشەلۆنەی ئیسپانی لەسەر هاتنی ئمباپێ بۆ یانەی ركابەری لەمێژینەیان كە یانەی ریاڵ مەدریدە بۆچوونی خۆی ڕاگەیاند.

ئەوەی لەبارەیەوە دەگوترێت: كۆندێ بۆ رۆژنامەی لۆبارزیانی فەرەنسی ڕایگەیاندووە، كە ڕاگرتنی ئمباپێ لە كاتی یارییەكاندا ئاسان نییە و بە كۆمەڵ نەبێت ناتوانێت بیوەستێنیت.

لە لایەكی دیكەوە: كۆندۆ ئاماژەی بۆ ئەوەشكردووە، كە پێشووتر لە یارییەكانی بەرامبەر پاریس یاریی لە دژی كیلیان كردووە، بە ئاسانی ناتوانی ڕایبگریت، چونكە ئەو یاریزانێكی خێرایە و بەتوانایە.

باكگراوند: كیلیان ئمباپێ ئەم هاوینە بە فەرمی پەیوەندی بە یانەی ریاڵ مەدریدی ئیسپانیەوە كردووە.