یوئێن بووە براوەی پاڵەوانێتی دیبلۆماتیك

 

ئاڤا سپۆرت

نوێنەرایەتی نەتەوەیەکگرتووەکان لەگەڵ کونسوڵخانەی ئوردن گەیشتنە یاریی کۆتایی پاڵەوانێتیی دیپلۆماتیک و لە كۆتایی یوئێن بووە پاڵەوان و نازناوەكەی لە ئوردن بردەوە.

وێنە گەورەكە: پاڵەوانێتیی دیپلۆماتیک یەکەمجارە بە دەستپێشخەریی فەرمانگەی پەیوەندییەکانی دەرەوەی حکومەتی هەرێمی کوردستان بەڕێوەبچێت، پاڵەوانێتییەكەش بەسەركەتووی كۆتاییهات.

 ئەوەی پێویستە بیزانیت: لە پاڵەوانێتی یەکەمدا 26 نوێنەرایەتی وڵاتان و کونسوڵخانە بەشداربوون و یارییەکان لەنێو یاریگەی کۆلیژی پەروەردەی وەرزشی زانکۆی سەڵاحەدین بەڕێوەدەچن، بەسەر چەند كۆمەڵەیەك دابەشكرابوون، بەشێوازی دوو دۆڕان یارییەكانی بەڕێوەدەچوون.

زایناریی زیاتر: تیمی یۆئێن لە قۆناغی پێشكۆتایی توانی بە ئەنجامی (8-1) لە تیمی ئێران بباتەوە و وەك تیپی یەكەم بۆ یاریی كۆتایی سەربكەوێت. 

باكگراوند: لە یاریی كۆتایی هەردوو تیمی یوئێن و ئوردن ڕووبەڕووی یەكتربوونەوە، لە ركابەرییەكی بەهێز و سەختدا تیمی یوئێن بە ئەنجامی (4-3) یارییەكەی بردەوە و بووە پاڵەوانی یەكەم پاڵەوانێتی دیبلۆماتیكی هەرێمی كوردستان.