ئیسپانیا گۆڵبارانی ئێرلەندای باکوری کرد

ئاڤا سپۆرت

 

هەڵبژاردەی ئیسپانیا لە نێو یاریگای خۆیدا توانی هەڵبژاردەی ئێرلەندای باکور گۆڵ باران بکات و بە ئەنجامی پێنج گۆڵ بەرامبەر بەگۆڵێک یارییەکەی لێبردەوە. 

 

وێنە گەورەکە: هەڵبژاردەی ئیسپانیا لە دوایین یاریی دۆستانە پێش دەستپێکی جامی یۆرۆ، توانی ئاستێکی بەرز پێشکەش بکات و پێنج گۆڵی لە ئیرلەندای باکور تۆمارکرد، لە یارییەکەشدا ئاستێکی تاکتیکی بەهێزیان نیشاندا و یاریزانە لاوەکان لەو یارییەدا درەوشانەوە. 

 

ژمارەکان وا دەڵێن: لە یارییەکەدا پێدری توانی دوو گۆڵ تۆماربکات و لامین یاماڵی هاوتیمی توانی دوو ئاسیست بدات بە هاوڕێکانی، هاوکات ئەلڤارۆ مۆراتا، میکێل ئۆیارزابال و فابیان ڕویز توانیان لە یارییەکە یەکی یەک گۆڵ تۆمار بکەن. 

 

ئەوەی پێویستە بیزانیت: ئیسپانیا لە جامی یۆرۆ کەوتووەتە کۆمەڵەی دووەم و تیایا ڕووبەڕووی هەڵبژاردەکانی ئەلبانیا، کرواتیا و ئیتاڵیا دەبێتەوە