ئەڵمانیا ڕووبەڕووی یۆنان دەبێتەوە

ئاڤا سپۆرت

هەڵبژاردەی ئەڵمانیا بۆ ئامادەكاریی یارییەكانی پاڵەوانێتی ئەوروپا كە خۆی میوانداریی دەكات، لە یارییەكی دۆستانەدا سبەی شەو ڕووبەڕووی هەڵبژاردەی یۆنان دەبێتەوە، یارییەكەش كاتژمێر(9:45) خولەكی شەو بەڕێوەدەچێت.

 

وێنە گەورەكە: ئەڵمانیا كە دوای تەنها 8 ڕۆژیتر میوانداریی یەكێك لە گەورەترین پاڵەوانێتییەكانی تۆپی پێ لە جیهاندا دەكات، لە ئێستادا ئامادەكاریی بۆ دەكات، تا ئەنجامێكی باش لەنێو خاك و جەماوەری خۆی بەدەستبهێنێت، 3 ڕۆژ بەر لە ئێستەش یارییەكی دۆستانەی بەرامبەر ئۆكرانیا ئەنجامدا و بەبێ گۆڵ یەكسانبوون.

زانیاریی زیاتر: ئەڵمانیا لە تاقیكردنەوەیەكی دیكەدا سبەی یاریی لەگەڵ یۆنان دەكات، هەڵبژاردەی ئەڵمانیا لە پاڵەوانـێتی یۆرۆدا لە كۆمەڵەی یەكەمە و هاوشانی هەڵبژاردەكانی (هەنگاریا و سكۆتلەندا و سویسرا) یاریدەكات.

باكگراوند: هەڵبژاردەی ئەڵمانیا لەوەتەی ساڵی 1996ـەوە نەیتوانیوە ئەم جامە بباتەوە، كە ئەو كات بە 2 گۆڵی یاریزان بێرهۆف لە یارییەكی دراماتیكدا، لە خولەكەكانی كۆتایی ڕیمۆنتادایان بەسەر هەڵبژاردەی چیك دا كرد و بە (2-1) یارییەكەیان بردەوە، بۆ سێیەم جار بوونە پاڵەوانی یۆرۆ.