نەورۆز یاریی لەگەڵ تەڵەبە دەكات

ئاڤا سپۆرت

یانەی نەورۆز، لە چوارچێوەی یارییەكانی خولی ئەستێرەكانی عێراق و لە یارییەكی دواخراوی گەڕی 23ــەیەم ڕۆژی شەممە، لە یاریگەی شەعب كاتژمێ(6:00) ڕووبەڕووی یانەی تەڵەبە  دەبێتەوە.

وێنە گەورەكە: یانەی نەورۆز بە ڕاهێنەرایەتی نزار مەحروس، لە دۆخێكی باشدان، لە دوایین یارییدا توانی بە ئەنجامی(4-2) لە یانەی قوەجەوییە بباتەوە، كە جەویە بەربژێر و ڕكابەرێكی بەهێزە بۆ بردنەوەی نازناوی ئەم وەرزەی خولەكە، بەڵام بەم ئەنجامە جەوییەی تووشی كێشە و بەربەستی زۆر كردووە.

زانیاریی زیاتر: نەورۆز سەرجەم یاریزانەكانی بۆ ئەم یارییە ئامادەن، تەنها گۆڵپارێز ئەحمەد رەحیم نەبێت، كە نەشتەرگەری لە ئەژنۆی بۆ كراوە و تا كۆتایی وەرز دادەبڕێت.

باكگراوند: نەورۆز دوای ئەنجامدانی 31 یاریی لە خولەكە خاوەنی 48 خاڵە و لە خانەی حەوتەمی ڕیزبەندی دێت، یانەی تەڵەبەی ڕكابەریشی بە 42 خاڵ لە خانەی نۆیەمی ڕیزبەندییەكە دێت.