جۆكۆڤیچ یەكەم بردنەوەی لە پاڵەوانێتی فرەنسا بەدەستهێنا

ئاڤا سپۆرت

نۆڤاک جۆکۆڤیچی سربی تەمەن 37 ساڵ توانی بە ئەنجامی سێ کۆمەڵەی بێوەڵام لە پێر هیوس هێربێرتی فەڕەنسی تەمەن 33 ساڵ بباتەوە و خۆی گەیاندە قۆناغی دووەمی پاڵەوانییەتی فەڕەنسای کراوە، ناسراو بە ڕۆلاند گارۆس.

چیرۆكە سەرەكییەكە: نۆڤاک جۆکۆڤیچ، لە سەرەتاوە ئاستی نایابی خۆی نێشاندا و توانی سێرڤە سەرەتاییەکان چەند خاڵێک دەستەبەر بکات، دواجاریش توانی کۆمەڵەی یەکەم بە ئەنجامی 6-4 یەکلابکاتەوە.

لە لایەكی دیكەوە: لە کۆمەڵەی دووەمدا، هێربێرت دەیویست لە پێناو یەکسانکردنەوەی ئەنجامەکە بجەنگێت، توانیشی ئاستێکی باش پێشکەش بکات، بەڵام دواجار جۆکۆڤیچ ئەو کۆمەڵەیەشی بە ئەنجامی 7-6 یەکلاکردەوە.

زانیاریی زیاتر: نجۆکۆڤیچ، ئاستی نەگۆرا و توانیشی کۆمەڵەی سێیەم بە ئەنجامی یەکلابکاتەوە و یارییەکەی بردەوە، بەو بردنەوەیەش جۆکۆڤیچ خۆی گەیاندە قۆناغی دووەمی پاڵەوانییەتی فەڕەنسای کراوە و سبەینێ ڕووبەڕووی کارلۆس باینا دەبێتەوە. 

باكگراوند: جۆکۆڤیچ، لە کاروانی وەرزشی خۆیدا سێ جار توانیویەتی ببێت بە پاڵەوانی ڕۆلاند گارۆس، دوایین جاریش ساڵی ڕابردوو بوو، کاتێک توانی لە کاسپەر روودی نەرویجی بباتەوە.