مارسیال مان یونایتد جێدێڵێت

ئاڤا سپۆرت 

ئەنتۆنی مارسیال، هێرشبەری یانەی مانچستەر یونایتد ڕایگەیاند وەرزی داهاتوو بۆ مان یو یاری ناکات و ڕۆیشتنی لە یانەکە ڕاگەیاند، ئەوەش لە کاتێکدایە کارگێڕی یانەی مانچستەر یونایتد سەرقاڵی چارەسەرکردنی پرسی ئێریک تین هاگی ڕاهێنەرە.

وێنە گەورەكە: مانچستەر یونایتد، لە ساڵی 2015 ئەنتۆنی مارسیالی بە بڕی 60 ملیۆن یۆرۆ لە مۆناکۆوە گواستەوە ڕیزەکانی یانەکە، مارسیال لەو ساتەوە 317 یاریی لەگەڵ مان یو ئەنجامداوە و توانیویەتی 90 گۆڵ تۆماربکات، هەروەها توانی لەگەڵ شەیتانەسوورەکان چوار نازناو بەدەستبهێنێت.

زانیاریی زیاتر: ڕۆیشتنی مارسیال لە کاتێکدایە کە یانەی مانچستەر یونایتد تاوەکو ئێستا بڕیاری مانەوەی یاخود ڕۆیشتنی ئێریک تین هاگی ڕاهێنەریان نەداوە، بەڵام بۆ جێگرەوەی تین هاگ، ماوریسیۆ پۆچەتینۆ بەربژێری سەرەکییە.