چاڤی ماڵئاوایی لە بەرشەلۆنە كرد

ئاڤا سپۆرت

چاڤی هێرناندێز، لە یاریی ماڵئاوایی کردن یانەی بەرشەلۆنە توانی لە دوایین یاریی لالیگا بە ئەنجامی دوو گۆڵ بەرامبەر بە گۆڵێک لە یانەی سێڤییە بباتەوە.

وێنە گەورەكە: یارییەکە لە یاریگەی رامۆن سانچێس پیزخوانی تایبەت بە سێڤییە بەڕێوەدەچوو، هەر لە سەرەتاوە بەرشەلۆنە دەستی کرد بە یارییەکی هێرشبەری، دواجار لە خولەکی 15 ڕۆبێرت لیڤاندۆسکی ئاسیستێکی جواو کانسێلۆی قۆستەوە و گۆڵی یەکەمی یارییەکەی تۆمارکرد.
دوای تێپەڕینی چارەکێک بەسەر گۆڵەکەی لیڤاندۆسکی، یوسف ئەلنەزیری توانی لە خولەکی 31 گۆڵی یەکسانبوونەوە بۆ سێڤییەی میواندار تۆماربکات و بەوەش گێمی یەکەم کۆتایی هات.

زانیاریی زیاتر: لە گێمی دووەمدا، یاریزانانی بلاوگرانا دەیانویست ماڵئاواییەکی تایبەت لە چاڤی بکەن و سێ خاڵی یارییەکەی پێشکەش بکەن، ئەوەبوو لە خولەکی 59 فێرمین لۆپێز دووەم گۆڵی بەرشەی تۆمارکرد و باوەشی بە چاڤیدا کرد، یارییەکەش بەو ئەنجامە لە بەرژەوەندی بەرشەلۆنە کۆتاییهات. 

باكگراوند: چاڤی لە نۆڤێمبەری ساڵی 2021ەوە ڕاهێنەرایەتی یانەی بەرشەلۆنە دەکات و لەگەڵ بەرشەدا 142 یاریی ئەنجامداوە، توانیویەتی 90 بردنەوە و 23 یەکسانبوون و 29 شکست تۆماربکات و دوو نازناویشی بۆ یانە کەتەلۆنییەکە بەدەستهێناوە.