چاڤی دوایین یاریی لەگەڵ بەرشەلۆنە ئەنجامدەدات

چاڤی دوایین یاریی لەگەڵ بەرشەلۆنە ئەنجامدەدات

ماڵئاواییکردنی چاڤی هێرناندێز

26 ئایار
جیهان

ئاڤا سپۆرت 

 

ئەمشەو بەرشەلۆنە لە نێو یاریگای خۆیدا ڕووبەڕووی یانەی سێڤییە دەبێتەوە و چاڤی هێرناندێزیش دوایین یاریی خۆی وەک ڕاهێنەری بەرشەلۆنە ئەنجام دەدات، دوا بە دوای یارییەکەش، ئەفسانەکەی بەرشەلۆنە ماڵئاوایی لە هاندەرانی یانەکە دەکات. 

 

ڕاگەیێنراوە فەرمییەکان: چاڤی هێرناندێز، لە سۆشیال میدیاوە ڕایگەیاند کە وەرزی داهاتوو لەگەڵ یانەی بەرشەلۆنە بەردەوام نابێت.

 

بۆچی گرنگە: چەند مانگێک پێش ئێستا چاڤی ڕایگەیاند کە وەرزی داهاتوو لەگەڵ بەرشەلۆنە بەردەوام نابێت، دواتر خوان لاپۆرتا، سەرۆکی یانەی بەرشەلۆنە، چاڤی لە بڕیارەکەی پەشیمان دەکاتەوە و ڕایدەگەیەنن کە چاڤی وەرزی داهاتوو بەردەوام دەبێت، بەڵام دواتر هەواڵی ئەوە بڵاو بووەوە کە لاپۆرتا و چاڤی نێوانیان تێک چووە و لاپۆرتا داوای کردوە چاڤی لە یانەکە بڕوات. 

 

زانیاریی زیاتر: بەو جۆرەش ئەمشەو چاڤی هێرناندێز، دوایین یاریی خۆی وەک ڕاهێنەری بەرشەلۆنە ئەنجامدەدات و سەرجەم رۆژنامە و ڕۆژنامەنووسەکان ئاماژە بەوەدەدەن کە هانسی فلیک دەبێتە جێگرەوەی چاڤی لە بەرشەلۆنە. 

 

 

نۆڤین مەجید

پرۆدوسەر
نۆڤین مەجید