مان سیتی هەوڵی درێژكردنەوەی گرێبەستی گواردیۆلا دەدات

ئاڤا سپۆرت

یانەی مان سیتی ئینگلیزی چارەنووسی پێپ گواردیۆلای ڕاهێنەری تیپەكە یەكلادەكنەوە و پلانێكی نوێ بۆ مانەوەی ئەم ڕاهێنەرە دادەڕێژن، كە لەوەتەی 2016 پەیوەندی بەو یانەیەوە كردووە.

ئەوەی لە باریەوە دەگوترێت: ڕۆژنامەی دەیلی مێلی بەریتانی بڵاویكردووەتەوە، كە یانەی مان سیتی بە نیازن بە گرێبەستێكی تازە و درێژخایەن ماوەی مانەوەی كوڕە ئیسپانییەكە وەك ڕاهێنەری مان سیتی درێژبكەنەوە، كە لە هاوینی داهاتوو كۆتایی دێت.

ئەوەی پێویستە بیزانیت:  كارگێڕی مان سیتی ڕێز لە بڕیاری رۆیشتن یا مانەوەی گواردیۆلا دەگرن، بەڵام هەوڵی مانەوەشی لەگەڵ دەدەن، تا بۆ كاتێكی زۆرتر لە یاریگەی ئیتیحاد ڕاهێنەربێت.

باكگراوند: گواردیۆلای تەمەن 53 ساڵان توانی بۆ چوارەم جار لەسەر یەك  نازناوی پرێمەرلیگ بۆ یانەكە بباتەوە، كە پێشووتر هیچ تیپێك ئەو كارەی پێنەكراوە.