یانەی بەرشەلۆنە چاڤی دوورخستەوە

ئاڤا سپۆرت

یانەی بەرشەرلۆنەی ئیسپانی لە پێگەی فەرمی ئێكس، دوورخستنەوەی چاڤی هێرناندێزی لە راهێنەڕایەتی تیپەكە ڕاگەیاند.

وێنە گەورەكە: بەرشەلۆنە لە ڕاگەیاندراوەكە سووپاسی چاڤی دەكات، كە وەك یاریزان و راهێنەر چەندان دەستكەوتی گەورەی پێشكەشی ئەو یانەیە كردووە، یانە كەتەلۆنییەكە ئاماژەیان بەوەشكردووە، كە لە چەند ڕۆژی داهاتوو دەستەیەكی نوێ بۆ ڕاهێنەرایەتی كردنی یانەكە دەستنیشاندەكەن.

 زانیاریی زیاتر: ئەم دوورخستنەوەی چاڤی لە كاتێدایە بەر لە چەند هەفتەیەك لاپۆرتا چاڤی لە ڕۆیشتن لە یانەكە پەشیمانكردەوە و مانەوەی ئەو راهێنەری وەك دەستكەوت ناساند، بەڵام دواتر لاپۆرتای سەرۆكی یانە هەر خۆی دووریخستەوە.

ئەوەی لە باریەوە دەگوترێت: ڕۆژنامەنووس فابریزیۆ رۆمانۆ لە پێگەی تایبەتی خۆی ڕایگەیاندووە، كە هانزێ فلیكس ڕاهێنەری داهاتووی یانەی بەرشەلۆنەی ئیسپانییە و رۆژی دووشەممە بە فەرمی ڕادەگەیەنرێت.