نەورۆز میوانداریی نەفتی میسان دەكات

 ئاڤا سپۆرت

یانەی نەورۆز لە گەڕی 31 خولی ئەستێرەكانی عێراق، سبەی یەكشەممە، لە یاریگەی سلێمانی كاتژمێر(4:00) ڕووبەڕووی نەفتی میسان دەبێتەوە، نەورۆز دەیەوێت تۆڵەی شكستەكەی گەڕی رابردووی بكاتەوە.

وێنە گەورەكە: یانەی نەورۆز بە ڕاهێنەرایەتی نزار مەحروس، گەڕی ڕابردوو لە دەرەوەی یاریگەی خۆیان بە حدود دۆڕان، ئەم یارییە بە دەرفەت دەزانن تا دۆڕانەكەی گەڕی ڕابردوو لەبیر هاندەرانی یانەكە ببەنەوە و هەنگاوێكیش لە ڕیزبەندی پێشەوە نزیك ببنەوە.

ئەوەی پێویستە بیزانیت: كێشەی نەورۆز بۆ ئەو یارییانەی ماویەتی پێكانی ئەحمەد رەحیمی گۆڵپارێزیەتی، چەند رۆژی ڕابردوو لە وڵاتی لوبنان نەشتەرگەری بۆ ئەنجامدرا، ئێستا گرفتی سەرەكی تیپە سوور پۆشەكانی سلێمانییە.

باكگراوند: نەورۆز دوای ئەنجامدانی 30 یاریی خاوەنی 44 خاڵە و لە خانەی حەوتەمی ریزبەندییەكە دێت، نەفتی میسان كە ركابەری ئەم یارییەی نەورۆزە، خاوەنی 38 خاڵە و لە خانەی دەیەمی ڕیزبەندییەكە دێت.