هەولێر ڕووبەڕووی ئەمانەی بەغداد دەبێتەوە

ئاڤا سپۆرت

یانەی هەولێر، لە چوارچێوەی یارییەكانی گەڕی 31 خولی ئەستێرەكانی عێراق،  ڕووبەڕووی ئەمانەی بەغداد دەبێتەوە، یارییەكە لە یاریگەی مەدینەوە بۆ یاریگەی گەل گواسترایەوە.

وێنە گەورەكە: سبەی یەكشەممە، كاتژمێر(6:00)ـی ئێوارە، هەولێر لە دەرەوەی یاریگەی خۆی یاریدەكات، ئەمە دووەم تاقیكردنەوەی سەمیر بابۆیە لەگەڵ زەردپۆشەكانی هەولێر، بابۆ دەیەوێت بەخێرایی گۆڕانكاری لە ئەنجامەكانی تیپەكە بكات.

ئەوەی پێویستە بیزانیت: هەولێر ئەم وەرزە بە كۆمەڵێك قەیراندا تێپەڕبووە، لە ئێستادا تاكە ئامانجی ئەوان مانەوەیە لە خولی ئەستێرەكانی عێراق و ئاشتكردنەوەی هاندەرانی یانەكەیە.

باكگراوند: یانەی هەولێر دوای ئەنجامدانی 28 یاریی، خاوەنی 28 خاڵە و لە خانەی پازدەیەمی ریزبەندییەكە دێت، 2 یاریی دواخراویشی بەرامبەر یانەكانی كەرخ و تەڵەبە ماوە.