ریاڵ مه‌درید گرێبه‌ستی یاریزانێكی نوێده‌كاته‌وه‌

ئاڤا سپۆرت

ریاڵ مه‌دریدی ئیسپانی بڕیاریدا گرێبه‌ستی ئاندرێ لۆنینی گۆڵپارێزی ئۆكرانی یانه‌كه‌ی نوێ بكاته‌وه‌، بۆ ئه‌وه‌ی له‌ وه‌رزه‌كانی داهاتوو یاریی له‌ ریزه‌كانی ئه‌م یانه‌یه‌ بكات، كه‌ ته‌نها یه‌ك ساڵ ته‌مه‌نی گرێبه‌سته‌كه‌ی ماوه‌.

وێنه‌ گه‌وره‌كه‌: لۆنینی گۆڵپارێزی ریاڵ مه‌درید له‌ كاتێكی گونجاودا به‌ ئاستێكی به‌رز له‌گه‌ڵ یانه‌كه‌ی ده‌ركه‌وت و له‌چه‌ند یارییه‌كی به‌هێزی ئه‌م وه‌رزه‌ی تیپه‌كه‌دا بووه‌ فریادڕه‌سی سپی پۆشه‌كان بۆیه‌ مێرێنگێ ده‌یه‌وێت ته‌مه‌نی یارییكردنی ئه‌م یاریزانه‌ له‌ یانه‌كه‌ درێژبكاته‌وه‌.

ئه‌وه‌ی له‌باره‌یه‌وه‌ ده‌گوترێت: رۆژنامه‌ی ماركا بڵاویكردووه‌ته‌وه‌، كه‌ نوێكردنه‌وه‌ی گرێبه‌ستی لۆنین به‌ به‌رزكردنه‌وه‌یه‌كی زۆری مووچه‌كه‌ی ده‌بێت، ره‌نگه‌ بۆ چوار ساڵی داهتوو درێژبكرێته‌وه‌.

باكگراوند: ریاڵ مه‌دریدی ئیسپانی له‌ لالیگادا 90 خاڵی كۆكردووه‌ته‌وه‌ نازناوه‌كه‌ی به‌ فه‌رمی بردووه‌ته‌وه‌، له‌ چامپیۆنزلیگیشدا له‌ یاریی كۆتایی ڕووبه‌ڕووی بڕۆسیادۆرتمۆند ده‌بێته‌وه‌.