هه‌ولێر گه‌ڕایه‌وه‌ سه‌ر ڕێچكه‌ی سه‌ركه‌وتنه‌كان

ئاڤا سپۆرت

یانه‌ی هه‌ولێر له‌ گه‌ڕی28 یارییه‌كانی خولی ئه‌ستێره‌كانی عێراق له‌ نه‌فتی برده‌وه‌، هه‌نگاوێك له‌ ناوچه‌ی دابه‌زین دووركه‌وته‌وه‌.

وێنه‌ گه‌وره‌كه‌: هه‌ولێر له‌ نێو یاریگه‌ی نه‌فت، له‌ نیوه‌ی یه‌كه‌می یارییه‌كه‌ له‌ ڕێگه‌ی ئه‌مجه‌د رازی هێرشبه‌ری یانه‌كه‌، له‌ خوله‌كی 27 گۆڵی بردنه‌وه‌ و سه‌ركه‌وتنی تۆماركرد.

ئه‌وه‌ی پێویسته‌ بیزانیت: یانه‌ی هه‌ولێر دوای 10 یاریی، توانی یه‌كه‌م بردنه‌وه‌ بۆ یانه‌كه‌ ده‌سته‌به‌ر بكات و سێ خاڵی گرنگ له‌ كاتێكی گونجاودا به‌ده‌ستبهێنێت، هه‌نگاوێك له‌ ناوچه‌ی دابه‌زین دووربكه‌وێته‌وه‌.

زانیاریی زیاتر: هه‌ولیر دوای ئه‌نجامدانی 26 یاریی 27 خاڵی كۆكردووه‌ته‌وه‌ و له‌ خانه‌ی چوارده‌یه‌می ریزبه‌ندییه‌كه‌ دێت، 2 یاریی دواخراویشی به‌رامبه‌ر یانه‌كانی كه‌رخ و ته‌ڵه‌به‌ ماوه‌.