یانه‌ی ئاكرێ خه‌ڵاتی دارایی پێنه‌درا

 

ئاڤا سپۆرت

فیدراسیۆنی تۆپی پێی كوردستان، یانه‌ی ئاكرێی خه‌ڵات كرد، ئه‌مه‌ش دوای ئه‌وه‌ی یانه‌كه‌ توانی نازناوی خولی نایابی كوردستان بۆ وه‌رزی 2023-2024، بباته‌وه‌.

وێنه‌ گه‌وره‌كه‌: یانه‌ی ئاكرێ دوای كێبڕكێیه‌كی به‌هێز له‌گه‌ڵ یانه‌كانی پێشمه‌رگه‌ی هه‌ولێر و شێروانه‌، له‌ دوایین گه‌ڕی خولی نایابی كوردستان توانی له‌گه‌ڵ چوارقوڕنه‌ به‌بێ گۆڵ به‌رامبه‌ربێت و به‌جیاوازی خاڵێك پێش پێشمه‌رگه‌ی هه‌ولێر بكه‌وێت و نازناوه‌كه‌ بباته‌وه‌.

ئه‌وه‌ی پێویسته‌ بیزانیت: دوای پاڵه‌وانبوونی یانه‌ی ئاكرێ رۆژی  شه‌ممه‌، فیدراسیۆنی تۆپی پێی كوردستان، له‌نێو شارۆچكه‌ی ئاكرێ و هانده‌رانی ئه‌و یانه‌یه‌ خه‌ڵاتی ئه‌و یانه‌یه‌ی كرد، هانده‌رانیش ئاهه‌نگێڕانی سه‌ركه‌وتنی یانه‌كه‌یان گێڕا.

زانیاریی زیاتر: یانه‌ی ئاكرێ دوای پاڵه‌وانبوونیان ته‌نها قه‌ڵغانی خوله‌كه‌یان پێدرا، به‌ڵام هیچ خه‌ڵاتێكی داراییان له‌ لایه‌ن فیدراسیۆنه‌وه‌ پێنه‌به‌خشرا، به‌بیانووی نه‌بوونی پاره‌.