مێسی ده‌گه‌ڕێته‌وه‌ به‌رشلۆنه‌

 

ئاڤا سپۆرت

لیۆنێل مێسی ئه‌رجه‌نتینی و كاپتنی ئێستای یانەی ئینتەر مەیامی لە 2021 یانەی به‌رشلۆنه‌ی جێهێشت و بۆ پاریس سانجێرمان گواسترایەوە، دوای دوو ساڵ یاریكردن بۆ یانه‌ فه‌ره‌نسییه‌كه‌ تیپه‌كه‌ی جێهێشت و پەیوەندی بە خولی ئەمریكییه‌وه‌ كرد، به‌ڵام ئێستا باس له‌ گه‌ڕانه‌وه‌ی بۆ به‌رشلۆنه‌ ده‌كرێت.

ئه‌وه‌ی له‌باره‌یه‌وه‌ ده‌گوترێت: ڕۆژنامه‌نووس جۆلیم بلاگی  ئیسپانی و نووسەری پەرتووكی مێسی رایگه‌یاند و گوتی: "جارێكی دیكە له‌ داهاتوودا مێسی بۆ به‌رشلۆنه‌ دەگەڕێتەوە".

زانیاریی زیاتر: له‌ په‌رتوو‌كه‌كه‌دا باسی سەرەتای لە دایكبوونی لیۆنێل مێسی كردووە لە شاری رۆزاریۆی ئه‌رجه‌نتینه‌وه‌، تا دوایین رۆژەكانی لە شاری به‌رشلۆنه‌.

باكگراوند: مێسی لە ساڵی 2005 بۆ جاری یەکەم گرێبەستی لەگەڵ یانەی به‌رشلۆنه‌ واژۆ کرد، دوای 16 ساڵ یاریکردن لەگەڵ ئەو یانەیە و بەدەستهێنانی چەندین نازناوی گه‌وره‌، دواجار بە ناچاری لە ساڵی 2021 بریاریدا ئەو یانەیە جێبێڵێت و پەیوەندی بە پاریس سانجێرمانی فەرەنساوە بکات.