بەرازیل ناوی یاریزانە بانگێشتکراوەکانی بۆ کۆپا ئەمریکا ئاشكراکرد

ئاڤا سپۆرت

 

هەڵبژاردەی بەڕازیل ناوی یاریزانە بانگێشتکراوەکانی بۆ کۆپا ئەمریکا بڵاوکردەوە و تیایدا چەند یاریزانێکی گرنگ ناویان نەهاتووە.

 

وێنە گەورەکە: شەوی ڕابردوو هەڵبژاردیە بەرازیل ناو یاریزانە بانگێشتراوەکانی بڵاوکردەوە و تیایدا ناوی هەریەک لە یاریزانان، کاسیمیرۆ، نەیمار، ئەنتۆنی، گابریێل جیسۆس و ڕیچارلیسۆنی تیادا نییە، ئەوەش دەنگدانەوەیەکی زۆری لە نێو میدیاکانی جیهاندا درووست کردووە.

 

زانیاریی زیاتر: دۆریڤال جینیۆر، ڕاهێنەری هەڵبژاردەی بەرازیل، بڕیاریدا ئێندریک، یاریزانی داهاتووی ڕیاڵ مەدرید بانگێشت بکات، کە تەمەنی یاریزانەکە تەنیا 17 ساڵە و بەوەش دەبێتە یەکێک لە لاوترین یاریزانەکان لە کۆپا ئەمریکادا بەشداری بکات. 

 

ئەوەی پێویستە بیزانیت: میدیاکانی بەرازیل ئاماژەیان بەوەداوە، بانگێشت نەکردنی نەیمار و ڕیچارلیسۆن بەهۆی پێکانەوە بووە، بەڵام یاریزانە بانگێشت نەکراوەکانی دیکە بەهۆی دابەزینی ئاستییانەوە بووە.