مانوێل نۆیه‌ر ره‌خنه‌ی تووند له‌ ناوبژیوان ده‌گرێت ‌

ئاڤا سپۆرت

مانوێل نۆیه‌ری كاپتن و گۆڵپارێزی یانه‌ی بایه‌ر میونشی ئه‌ڵمانی دوای كۆتاییهاتنی یارییه‌كه‌یان له‌ به‌رامبه‌ر ریاڵ مه‌درید، ره‌خنه‌ی تووندی ئاراسته‌ی ناوبژیوانی یارییه‌كه‌ كرد و به‌ هۆكاری دۆڕانی سه‌ره‌كی تیپه‌كه‌ی دانا.

 وێنه‌ گه‌وره‌كه‌: بایه‌ر میونشن له‌ به‌رامبه‌ر ریاڵ مه‌درید له‌ یاریی گه‌ڕانه‌وه‌ و پێشكۆتایی چامپیۆنزلیگدا، به‌ ئه‌نجامی (2-1) دۆڕا،  یاریزانانی بایه‌ر ره‌خنه‌ی تووندیان له‌ بڕیاره‌كانی ناوبژیوان گرت و به‌هۆكاری سه‌ره‌كی ده‌رچوونیان له‌ پاڵه‌وانیتییه‌كه‌ دایده‌نێن.

 لێدوانی فه‌رمی: مانوێل نۆیه‌ری كاپتنی تیپه‌كه‌، له‌ لێدوانكی كه‌ مۆندۆدیپۆرتیڤۆ بڵاویكردووه‌ته‌وه‌ ده‌ڵێت: “ناوبژیوان خۆی ده‌یزانی بڕیاره‌كه‌ی هه‌ڵه‌یه‌‌، به‌ڵام له‌ ژێر كاریگه‌ری یاریگه‌ی بێرنابیۆ ئه‌م بڕیاره‌ هه‌ڵه‌یه‌ی داوه‌، ئه‌مه‌ش به‌هیچ جۆرێك له‌ ئاستێكی وا به‌رزدا مایه‌ی قبوڵكردن نییه‌”.

 باكگراوند: نۆیه‌ر، به‌هۆی ئه‌و هه‌ڵه‌یه‌ی له‌ خوله‌كی 88 یارییه‌كی كردی بووه‌ هۆكاری ئه‌وه‌ی یانه‌ی ریاڵ مه‌درید له‌ رێگه‌ی خۆسێلۆوه‌ گۆڵی به‌رامبه‌ر تۆمار بكاته‌وه‌، كه‌ نۆیه‌ر له‌ هه‌ڵه‌یه‌كی بچوكی كرد و باجه‌كه‌یاندا، دواتر گۆڵی دووه‌مشیان لێ تۆماركرا.