یانه‌ی دهۆك بۆ یاریی كه‌ربه‌لا له‌ كێشه‌دایه‌

ئاڤا سپۆرت

یانه‌ی دهۆك له‌ یاریی داهاتووی به‌رامبه‌ر یانه‌ی كه‌ربه‌لا به‌هۆی پێكان و سزاوه‌، شه‌ش یاریزانی تیپه‌كه‌ی له‌ یاریكردن داده‌بڕێن.

 

وێنه‌ گه‌وره‌كه‌: دهۆك له‌ گه‌ڕی بیست و حه‌وتی یارییه‌كانی خولی ئه‌ستێركانی عێراق له‌ توانای یاریزانان، رێوان ئه‌مین، عیماد له‌واتی، به‌یار ئه‌بوبه‌كر، محه‌ممه‌د موحسین، هه‌رێم ته‌حسین، سیابه‌ند عه‌گید، بێبه‌ش ده‌بێت.‌‌

چاره‌سه‌ره‌كان: عیماد له‌واتی، یاریزانی پیشه‌گه‌ری یانه‌كه‌ به‌ پێنج گۆڵ، گۆڵكاری یه‌كه‌می دهۆكه‌، به‌ڵام بۆ یاریی كه‌ربه‌لا ناتوانێت به‌شداربێت، ئه‌حمه‌د خه‌له‌فی راهێنه‌ری دهۆك ژیار گۆڤه‌ند وه‌ك شوێنگره‌وی ئه‌و یاریزانه‌ به‌شداریی پێده‌كات.

 

باكگراوند: یانه‌ی دهۆك به‌ ئه‌نجامدانی بیست و شه‌ش یاریی 40 خاڵی كۆكردووه‌ته‌وه‌، له‌ خانه‌ی شه‌شه‌می ریزبه‌ندییه‌كه‌ دێت.