موئه‌یه‌د مه‌غدید ره‌تیده‌كاته‌وه‌ به‌ سه‌رۆكی یانه‌ی هه‌ولێر دیاریكرابێت

ئاڤا سپۆرت

موئه‌یه‌د مه‌غدید جێگری سه‌رۆكی لێژنه‌ی ئۆڵۆمپی هه‌رێمی كوردستان ره‌تیده‌كاته‌وه‌ وه‌ك سه‌رۆكی یانه‌ی هه‌ولێر ده‌ستنیشانكرابێت.

 

وێنه‌ گه‌وره‌كه‌: به‌هۆی ئه‌نجامه‌ خراپه‌كانی یانه‌ی هه‌ولێر ده‌نگۆی ده‌ستله‌كاركێشانه‌وه‌ی ده‌سته‌ی كارگیڕی یانه‌كه‌ هه‌یه‌، موئه‌یه‌د مه‌غدیدی یاریزانی پێشووی تیپی باله‌ی یانه‌كه‌، وه‌ك شوێنگره‌وه‌یه‌ك ناوی دێت.

 

لێدوانی فه‌رمی: موئه‌یه‌د مه‌غدید به‌ ئاڤا سپۆرتی راگه‌یاند، تا ئێستا كه‌س په‌یوه‌ندی به‌ منه‌وه‌ نه‌كردووه‌، تا ئه‌ركی سه‌رۆكایه‌تی یانه‌كه‌ وه‌رگرم ، ئه‌گه‌ر په‌یوه‌ندیشم پێوه‌كرا، ئه‌وكات قسه‌ی خۆم ده‌بێت.

 

زانیاری زیاتر: دوای دۆڕانه‌كه‌ی هه‌ولێر له‌ یاریی رابردوویان به‌رامبه‌ر به‌ یانه‌ی مینا، ده‌نگۆی گۆڕانكاری له‌ ده‌سته‌ی كارگێڕی یانه‌ی هه‌ولێر، په‌ڕه‌كانی سۆشیاڵ میدیای پڕكرد، به‌ڵام تا ئێستا هیچ گۆڕانكارییه‌ك به‌ فه‌رمی نییه‌.