عه‌بدولقادر حوسێن راهێنه‌رایه‌تی هه‌ولێر ره‌تده‌كاته‌وه‌

ئاڤا سپۆرت
عه‌بدولقادر حوسێن، ڕاهێنه‌ری یانه‌ی هه‌ولێر به‌ كارگێڕی یانەکەی ڕاگه‌یاندووه‌ کە نایه‌وێت وه‌ك ڕاهێنه‌ری یه‌كه‌می تیپه‌كه‌ به‌رده‌وامبێت.

 

لێدوانە فەرمییەکان: عه‌بدولقادر حوسێن راهێنه‌ری هه‌ولێر، به‌ ئاڤا سپۆرتی راگه‌یاند، ده‌سته‌ی كارگیڕی یانه‌كه‌م ئاگاداركردووه‌ته‌وه‌، كه‌ چیتر وه‌ك راهێنه‌ری یه‌كه‌می تیپه‌كه‌ ناتوانم به‌رده‌وامبم، به‌ڵام وه‌ك یاریده‌ده‌ر ده‌مێنمه‌وه‌.

 

ئه‌وه‌ی پێویسته‌ بیزانیت: دوای شكسته‌كه‌ی یانه‌ی هه‌ولێر له‌ یاریگه‌ی خۆی به‌رامبه‌ر یانه‌ی مینا، كێشه‌كانی هه‌ولێر روو له‌زیادبوونه‌وه‌، ئێستا تیپه‌كه‌ بێراهێنه‌ر ماوه‌ته‌وه‌.

 

زانیاریی زیاتر: هه‌ولێر به‌ 23 خاڵ له‌ خانه‌ی شازده‌یه‌می خولی ئه‌ستێره‌كانی عێراقه‌ و به‌هۆی قه‌یرانی داراییه‌وه‌ كه‌س ئه‌ركی راهێنه‌رایه‌تی تیپه‌كه‌ وه‌رناگرێت.