یانه‌ی زاخۆ چاوه‌ڕێی ئه‌نجامی سكاڵاكه‌یه‌تی

ئاڤا سپۆرت

یانه‌ی زاخۆ له‌ دادگه‌ی كاس سكاڵای له‌سه‌ر یانه‌ی شوڕته‌ تۆماركردووه‌، ئستا چاوه‌ڕێی بڕیاری كۆتایی ئه‌نجامه‌كه‌ی داده‌گه‌ن. 

وێنه‌ گه‌وره‌كه‌: له‌ یاریی نێوان شوڕته‌ و زاخۆ له‌ گه‌ڕی هه‌شته‌می خولی ئه‌ستێره‌كانی عێراق، شوڕته‌ سه‌رپێچی ڕێنماییه‌كانی فیدراسیۆنی تۆپی پێی عێراقی كردووه‌، 3 یاریزانی پیشه‌گه‌ری له‌ یه‌ك یاریی به‌شداری پێكردووه.‌

ئه‌وه‌ی پێوسته‌ بیزانیت: به‌ پێی یه‌كێك له‌ به‌نده‌كانی ئه‌و یاسایانه‌ی فیدراسیۆنی عێراقی دایناوه‌، نابێت له‌ یه‌ك یارییدا 3 یاریزانی پیشه‌گه‌ر، ریزبه‌ندی هه‌ڵبژارده‌ی وڵاته‌كه‌یان له‌سه‌روو نۆوه‌ده‌وه‌بێت.

زانیاری زیاتر:  یانه‌ی شوڕته‌ له‌و یارییه‌ یاریی به‌ مه‌حمود مه‌واسی سووری و ئه‌حمه‌د  ئالوسی ئوردنی و ئه‌بوبه‌كر مه‌جیدی نه‌یجیری كردووه‌.

ئه‌وه‌ی پێشبینی ده‌كرێت: یانه‌ی زاخۆ به‌هۆی ئه‌م سكاڵایه‌وه‌ 3 خاڵ له‌ یانه‌ی شوڕته‌ وه‌ربگرێته‌وه‌، كه‌ به‌ ئه‌نجامی (2-0) به‌ شوڕته‌ دۆڕابوو.