ئینتەر میامی و مێسی دووچاری شکستێکی قورس بوونەوە

ئاڤا سپۆرت

ئینتەر میامی و مێسی لەنێو یاریگای خۆیاندا بەرامبەر شیکاگۆ دووچاری شکستێکی قورس بوونەوە.

چیرۆکە سەرەکی: ئینتەر میامی لە گەڕی 29ـی خولی ئەمریکی، لەنێو یاریگای خۆی میوانداری شیکاگۆی کرد و بە ئەنجامێکی قورس دووچاری حەوتەم شکستی ئەم وەرزەی خولی ئەمریکی بووەوە.

زانیاریی زیاتر: شیکاگۆ لە نیو کاتژمێری سەرەتادا مێسی و هاوڕێکانی شۆککرد، لە خولەکی 11 جێ داڤیلا یانەکەی بە گۆڵێک پێشخست، پاشان لە خولەکی 31 جۆناسان دین جیاوازییەکەی کرد بە دوو گۆڵ.

زیاتر بزانە: دوای ئەو دوو گۆڵە ئینتەر میامی دەستی بەسەر یارییەکەدا گرت و هەوڵی گۆڕینی ئەنجامی یارییەکەی دەدا، لە خولەکی 39 تۆماس ئاڤیلس گۆڵێکی تۆمارکرد و جیاوازییەکەی بۆ گۆڵێک کەمکردەوە، بەڵام لە خولەکی 43 ڕۆمینگێ کۆوامێ گۆڵی سێیەمی بۆ شیکاگۆ تۆمارکرد، گێمی یەکەمیش بەو ئەنجامە کۆتایی هات.

لە گێمی دووەمدا: لویس سوارێز لە خولەکی 57 جارێکی دیکە ئەنجامەکەی بۆ گۆڵێک لە بەرژەوەندی میامی کەمکردەوە، لویزیتۆ بەوەشەوە نەوەستا و لە خولەکی 74 بە سوودوەرگرتن لە پاسێکی جۆردی ئالبا گۆڵی یەکسانبوونیشی تۆمارکرد.

لە دواتردا: شەش خولەک دوای ئەو گۆڵە شیکاگۆ جارێکی دیکە گورزی خۆی وەشاندەوە و لە خولەکەکانی 80 و 83 دوو گۆڵی یەک بەدوای یەکیان تۆمارکرد و تیمەکەی ئەفسانە مێسیان دووچاری حەوتەم شکستی ئەم وەرزە کرد.