مەیامییەکەی مێسی ڕووبەڕووی تۆرۆنتۆ دەبێتەوە

ئاڤا سپۆرت

ئینتەر مەیامی بە ڕابەرایەتیی لیۆ مێسی ڕووبەڕووی تۆرۆنتۆ دەبێتەوە.

چیرۆکە سەرەکی: ئینتەر مەیامی کاتژمێر 11:30ـی شەو لە دەرەوەی یاریگای خۆی لە یارییەکانی جەمسەری ڕۆژهەڵاتی خولی ئەمریکی، ئێم ئێڵ ئێس دەبێتە میوانی تۆرۆنتۆ.

زانیاریی زیاتر: مەیامی سەرکەوتنی بۆ قۆناغی داهاتوو مسۆگەر کردووە و بە کۆکردنەوەی 55 خاڵ بە ئەنجامدانی دوو یاریی کەمتر، خۆی لە پلەی سێیەمی ڕیزبەندیی جەمسەری ڕۆژهەلات دەبینێت.

ئەمەش بزانە: مەیامی، لە دوایین پێنج یاریی بەرامبەر تۆرۆنتۆ، هیچ یارییەکی نەدۆڕاندووە و چوار بردنەوە و یەکسانبوونێکی تۆمارکردووە، تیمەکەی خاڤێر ماسکێرانۆ دەیەوێت درێژە بەو ڕیکۆردە بدات و بردنەوەیەکی دیکە بەسەر یانە کەنەدییەکە بەدەستبهێنێت.

زیاتر بزانە: لیۆ مێسی بە تۆمارکردنی 22 گۆڵ لە پێشەنگی گۆڵکارانی خولەکە دێت، هاندەرانی مەیامی چاویان لەسەر یاریزانەکەیە ئاستێکی بەرز نمایش بکات و بردنەوە بۆ یانەکە دەستەبەر بکات.