نەیجیریا ڕەتی دەکاتەوە یاریی بکات

ئاڤا سپۆرت
هەڵبژاردەی نەیجیریا بڕیارە لە گەڕی چوارەمی پاڵاوتنی جامی نەتەوەکانی ئەفریقیا ڕووبەڕووی هەڵبژاردەی لیبیا ببێتەوە، بەڵام ڕەتی دەکەنەوە یارییەکە ئەنجام بدەن.

چیرۆکە سەرەکییەکە: کاپتنی هەڵبژاردەی نەیجیریا، ویلیام ترووست ئیکۆنگ، چەند وێنەیەکی دۆخی یاریزانانی هەڵبژاردەکەی لە فڕۆکەخانەیەکی وڵاتی لیبیا بڵاوکردەوە، لە وێنەکان دەردەکەوێت یاریزانەکان زۆر ماندوون و هەندێکیان خەویان لێکەوتووە.

ئەوەی لەبارەیەوە دەگوترێت: کاپتنی هەڵبژاردەکە دەڵێت؛ تیمەکەمان 12 کاتژمێرە لە فڕۆکەخانەیەکی چۆڵکراو گیریان خواردووە، دوای ئەوەی حکومەتی لیبیا لە ناکاوێکدا مۆڵەتی نیشتنەوەی فڕۆکەی هەڵبژاردەی نەیجیریای کشاندووەتەوە و هیچ ڕوونکردنەوەیەکیشی نەداوە.

زانیاریی زیاتر: تیمی نەیجیرا لەناو فڕۆکەخانەیەک گیریان خواردووە کە هیچ سەرجەم دەرگاکانی داخراوە، هیچ خزمەتگوزارییەکی خواردن و خواردنەوەشیان نییە بۆیە بڕیاریان داوە بگەڕێنەوە و یارییەکەیان بەرامبەر لیبیا ئەنجام نەدەن.