ئۆڵێمپیکی پاریس دەستیپێکرد

ئاڤا سپۆرت

بە نمایشی سەرنجراکێشی کولتوور و هونەری موهەندیسی فەڕەنسی، بە ئامادەبوونی 45 هەزار پۆلیس ئاهەنگی دەستپێکی ئۆلێمپیک پاریس بەڕێوەچوو.

 

وێنە گەورەکە: لە ڕووباری سین وەرزشوانانی ناوداری جیهان بە بەلەمی تایبەت مەودای شەش کیلومەتریان تێپەڕاند لە پێش چاوی 10یان هەزار ئامادەبوو و هەروەها ئاڵای وڵاتان لەسەر بیناکانی دەورووبەر هەڵواسرا بوو و ئاڵآی سێ ڕەنگی فەڕەنسە بە گەورەی نمایشکرا.

 

ئەوەی پێویستە بیزانیت: ڕێوەڕەسمی دەستپێکی ئاهەنگی ئۆلێمپیک پاریس لە ڕۆژی ڕابردوو بە ئامادەبوونی دەیان هەزار نەفەر لە ئاستی جیهان دەستی پێکرد و لە ئاهەنگەکە کولتوور و هونەری فەڕەنسییەکان نمایشکرا و بە پێ ئەوەی بارانێکی بەخور دەباری، ڕێگر نەبوو بۆ بەردەوامی ئاهەنگەکە وئامادەبووان لە سەر پرد و بیناکان تا کۆتا چرکەکانی ئاهەنگەکە مانەوە.

 

ئەمەش بزانە: سیلین دیان، لەیدی گاگا و ئایا ناکامورا بە شێوەی ڕاستەوخۆ گۆرانی و کۆنسێرتیان پێشکەش کرد.

 

 زانیاریی زیاتر: لە هەمانکاتدا پۆلیسی پاراستنی فەڕەنسە بەدووای ئەوکەسانە دەگەڕێت کە کێشەیان لە ڕێگای تایبەت بە شەمەندەفەری خێرا  دروست کردبوو کە هۆکارێک بوو بۆ دواخستنی کاتی ئۆلێمپیک.