مۆرینۆ هێرش دەكاتە سەر هەڵبژاردەی ئیتاڵیا

ئاڤا سپۆرت

مۆرینۆی پۆرتوگالی و ڕاهێنەری نوێی فەناربەهچەی توركی، لە دوایین لێدوانیدا هەڵبژاردەی ئیتاڵیا بۆ بردنەوەی یۆرۆی 2024 دوورخستەوە.

ئەوەی لەباریەوە دەگوترێت: مۆرینۆ لە لێدوانێكیدا، ناوی بەربژێرانی بۆ بردنەوەی یۆرۆی ئەمساڵ دیاركردووە، كە هەڵبژاردەكانی ئینگڵتەڕا و فەرەنسا و ئەڵمانیا و پۆرتوگال و ئیسپانیان، بەڵام ناوی ئیتاڵیایی وەك بەربژێر بۆ بردنەوەی نازناوەكە نەهێناوە.

لە لایەكی دیكەوە: مۆرینۆ هۆكاری بەبژێرنەكردنی ئیتاڵیا بۆ بردنەوەی یۆرۆ ئاشكرا دەكات، پێیوایە ئەوان نەوەیەكی بەهرەمەند و باشیان بۆ ئەم پاڵەوانێتییە نییە، ناشتوانن بەهەمان ڕێگەی یۆرۆی ڕابردوو ببنە پاڵەوان.

باكگراوند: ڕۆژی 7ـی ئەم مانگە یۆرۆی 2024 بە بەشداری 24 هەڵبژاردە لە وڵاتی ئەڵمانیا بەڕێوەدەچێت.