یانەی ئیتیحاد هەوڵی گواستنەوی خۆسێلۆ دەدات

ئاڤا سپۆرت

یانەی ئیتحادی سعودی هەوڵی بەدەستهێنانی تواناكانی خۆسێلۆی هرشبەری یانەی ریال مەدریدی ئسپانی دەدات، تا لە گواستنوەی هاوینە بۆریزەكانی پەلكێشی بكات و وەرزی داهاتوو سەكردایەتی هێلی پێشەوەی تیپەكەی پێبكات.

وێنە گەوەركە: خۆسێلۆ ئەم وەرزە لەگەڵ ریاڵ مەدریدی ئیسپانی ئاستێكی باش پێشكەش دەكات و بووەتە جێگەی سەرنجی یانەكانی سعودییە، سەرەڕای ئەوەی لە زۆربەری یارییەكان بەشێوەی سەرەكی یاریی نەكردووە، بەڵكۆ بە یەدەگ بەشداریی لە یارییەكان كردووە.

ئەوەی لەباریەوە دەگوترێت: رۆژنامەی ماركا بڵاویكردووتەوە، كە یانەی ئیتیحادی سعودی هەوڵی گرێبەستكردن لەگەڵ خۆسێلۆ دەدات، بۆ ئەم كارەش پەیوەندی بە نزیكەكانی یاریزانەكەوە كردووە.

باكرگاوند: خۆسێلۆ بەشێوەی خواستن لە یانەی ئیسپانیۆلەوە بۆ ئەم وەرزە پەیوەندی بە یانەی ریال مەدریدەوە كرد، بەشداری 48 یاریی كردووە و تا ئێستا لەسەرجەم پاڵەوانێتییەكان 18 گۆڵی كردووە و خاوەنی 3 ئاسیستە.